Последната генерација BMW TwinPower Turbo бензински мотори се карактеризираат со исклучително агилна испорака на снага како и со одлична реакција, дури и при ниски брзини на моторот. Истовремено, тие се поефикасни, со помали емисии и подобри перформанси од своите претходници. Овие иновативни мотори ја соединуваат последната технологија на инјектирање гориво и целосно варијабилна контрола на вентилите, вклучувајќи го Double-VANOS со врвна технологија на турбополнење и претставуваат вистинска пресвртница во стратегијата на развојот на BMW EfficientDynamics. Резултатот е особено ефикасен погонски склоп кој ги нагласува легендарните можности на BMW. BMW TwinPower Turbo линискиот 6-цилидричен бензински моторот е повеќекратен добитник на наградата Мотор на годината, кој секогаш одново ја потврдува својата светска репутација на испорака на снага, исклучително непречени работни карактеристики и импресивна ефикасност. Моторите од палетата BMW EfficientDynamics се карактеризираат со технолошки концепт што се докажа како високоефикасен и е имплементиран во скоро сите бензински мотори.

Новата генерација на BMW TwinPower Turbo дизел мотори е доказ на ригорозната примена на филозофијата на BMW EfficientDynamics која ги комбинира врвните оценки на снага и перформанси со ниската потрошувачка на гориво. Дизел моторите се познати по нивната одлична и брза реакција и агилната испорака на сите брзини на моторот, како и за нивната ниска потрошувачка на гориво. Тие се познати по нивната извонредна ефикасност и динамика, со ниска потрошувачка на гориво и мал внатрешен отпор за да гарантира максимално задоволство при возењето. Новите дизел мотори од програмата на BMW EfficientDynamics се карактеризираат со лесна алуминиумска конструкција и еден, два или три турбополначи со варијабилна турбинска геометрија. Сите тие ја имаат најновата технологија на директна инјекција на гориво (CommonRail) со заеднички вод што гарантира оптимално согорување за уште поголемо намалување на потрошувачката на гориво и CO2 емисии.