НОВИОТ BMW СЕРИЈА 7 SEDAN

Паметна технологија во совршена хармонија со материјали од највисок квалитет – создадете извонреден ентериер во BMW Серија 7 Sedan.

Иновативниот BMW Panoramic Vision се протега по целата ширина на ветробранското стакло, обезбедувајќи интуитивен пристап до клучните информации. Заедно со централниот дисплеј со висока резолуција и слободен дизајн, како и прецизните 3D визуелизации на BMW 3D Head-Up Display, системот ги прикажува најважните функции токму кога Ви се потребни.

BMW Passenger Screen му овозможува на совозачот напред индивидуализирано забавно искуство дури и додека возилото е во движење. Кога седиштето е празно, екранот дискретно се вклопува во дизајнот на кабината, задржувајќи го нејзиниот елегантен и префинет изглед.

Со индивидуално избраното амбиентално осветлување, кристалните елементи на BMW Individual CraftedClarity Controls доаѓаат до целосен израз, внесувајќи дополнителна доза луксуз и софистицираност во ентериерот.

BMW Серија 7 Sedan Ве поканува да уживате во возењето со фино наместена динамика на возење. Aдаптивната воздушна суспензија со 2 оски автоматски ги прилагодува амортизерите на површината на патот. Со интегралното активно управување Integral Active Steering, управувањето со задната оска ја подобрува стабилноста, ја зголемува агилноста и го намалува кругот на вртење. За да се постигне ова, задните тркала се вртат до 3,5 степени.

При мали брзини, управувањето со задните тркала значи дека задните тркала се вртат во спротивна насока од предните тркала. Затоа, паркирањето на тесни паркинзи е значително полесно. При големи брзини, задните тркала се вртат во иста насока. Ова го прави вашиот BMW Серија 7 Sedan уште постабилен за време на брзите промени на лентата. Во исто време, пространиот втор ред седишта нуди врвна удобност.

Со 294 kW (400 КС) и забрзување од 0 до 100 км/ч за само 5,1 секунди, BMW 740 xDrive Sedan обезбедува чисто задоволство во возењето, без разлика дали е на долги патувања или кратки градски.

Во комбинација со BMW Symbiotic Drive и најновите системи за асистенција на возачот, BMW Серија 7 Sedan создава сосема ново искуство зад воланот. Предвидените активности за забрзување, сопирање и управување беспрекорно се усогласуваат со интелигентниот софтвер поддржан од вештачка интелигенција, овозможувајќи поприродна интеракција помеѓу возачот и возилото и подигнувајќи го уживањето во возењето на ново ниво.

Овие напредни системи за асистенција се дел од стандардната опрема и придонесуваат за поголема удобност и сигурност при секое патување. Меѓу нив се вклучени асистентот за управување, асистентот за одржување на лента, системот за автоматско сопирање во итни ситуации, како и асистентот за паркирање. Со опционалната 360° камера и напредната мрежа на сензори, возилото обезбедува дополнителна прегледност, безбедност и практичност при маневрирање. Оптимизираните предупредувања и интелигентните безбедносни функции дополнително ја зголемуваат довербата зад воланот.

Вашето лично доживување на луксузот започнува овде. Ентериерот на BMW Серија 7 Sedan открива свет обликуван според Вашите желби, каде врвните материјали и префинетите комбинации на бои создаваат атмосфера на исклучителна елеганција.

Благодарение на ексклузивните BMW Individual опции, можете да го персонализирате секој детаљ според сопствениот вкус. Изберете декоративни лајсни од природно дрво или мека Alcantara, опкружете се со најфината Merino кожа, а по желба комбинирајте ја и со кашмирска волна. Целокупниот впечаток дополнително се заокружува со облогата на кровот во внимателно избрана боја, усогласена со ентериерот.

Вниманието кон деталите се забележува во секој елемент. Карактеристики како безжичната подлога за полнење обложена со Alcantara совршено ја спојуваат практичноста со луксузот. На располагање Ви стои најшироката палета на можности за персонализација досега понудена од BMW, овозможувајќи Ви да создадете возило што во целост го одразува Вашиот стил.