BMW СЕРИЈА 1

Карактеристичната двојна бубрежна решетка е дизајнирана како поврзан елемент составен од хромирана рамка со висок сјај и вертикални летвички во црна боја со висок сјај. Како централен визуелен детал, ја нагласува присутноста и естетиката на возилото во погледот однапред.

Капаците на ретровизорите се во црна боја со висок сјај наместо во бојата на возилото. Тие визуелно го нагласуваат атлетскиот карактер на возилото и креираат впечатлив индивидуален изглед.

M Shadow Line со висок сјај вклучува бројни карактеристики на опремата во црна боја со висок сјај. Тука спаѓаат заптивките на прозорските стакла, рамките на прозорците и водилките, Б-столбовите како и рамките на надворешните ретровизори и нивните делови.

Облогата на издувната цевка од 90 мм (од левата страна кај 3-цилиндричните мотори, од левата и десната страна кај 4-цилиндричните мотори) дава визуелен акцент и го нагласува спортскиот карактер на возилото.

Црниот спортски кожен управувач со три крака има галванизирана украсна рамка. Дебелиот раб и обликуваните места за потпирање на палецот нудат извонредно пријатно чувство и одлично прифаќање.

Внатрешните лајсни 'Illuminated Berlin' со 'High Matt' акцент на таблата со инструменти и облогите на вратите даваат на внатрешноста прогресивен амбиент со високо чувство на вредност. Треперливата шема на дискретното позадинско осветлување на лајсните создава привлечна и пријатна атмосфера во возилото.

Кога е отворен, панорамскиот стаклен кров нуди совршена доза на свеж воздух. Затворен, креира светла атмосфера во внатрешноста. Тој се отвора и затвора целосно автоматски со притискање на копче или преку далечинскиот клуч од возилото и е опремен со функции за лизгање и подигнување, заштита од сонце и заштита од ветер.

Безбедносниот пакет Driving Assistant вклучува систем со камери за предупредување од челен судир со функција на сопирање, помош при ограничување на брзината вклучително и информации за ограничената брзина и индикатор за забрането претекнување со приказ и предупредување на напуштање на коловозната лента. Дополнително, опремата која користи радар вклучува предупредување за вкрстување во сообраќај одзади, предупредување за промена на коловозната лента и предупредување за судир одзади.

Parking Assistant го олеснува паркирањето на возилото. Камерата за возење на назад дава јасен преглед на просторот зад возилото. Active Park Distance Control нуди зголемена заштита против оштетување предизвикано при паркирањето. Parking Assistant автоматски го паркира возилото, паралелно или напречно на улицата, и го напушта местото при паралелно паркирање. Асистентот за возење наназад ви помага при возењето наназад, на пр., во тесни улици.

Со помош на BMW Gesture Control, можат да се управуваат одредени функции преку дефинирани движења на раката. За одредени функции системот ќе ги препознае гестовите како што се 'swiping' или 'pointing' за прифаќање или откажување на дојдовниот повик. Јачината на звукот може да се нагоди преку кружни движења на показалецот.

Големиот, BMW Head-Up дисплеј во боја проектира информации релевантни за патувањето директно во вашето видно поле, со што овозможува целосна концентрација на возењето. Во зависност од опременоста на возилото, се прикажуваат информации како што се моменталната брзина, насоките за навигација, информациите за ограничување на брзината вклучително и индикатор за забрана на претекнување, заедно со листите од телефонот и забавните содржини.

BMW Live Cockpit Professional со функција за навигација вклучува два висококвалитетни дисплеја кои се состојат од 10.25 инчен контролен дисплеј со висока резолуција кој може да се управува со допир и целосно дигитална инструмент табла со 10.25 инчен дисплеј. BMW оперативен систем 7 исто така може да се управува преку iDrive контролорот.

Зашто да останете без функциите на вашиот паметен телефон во вашето BMW кога можете да продолжите да го користите како и обично? За интеграцијата на паметен телефон, вашето возило ги поддржува Apple CarPlay и Android Auto за безжична врска помеѓу паметниот телефон и возилото. Ова ви овозможува практично да ги користите познатите функции и разните апликации во возилото.

Страничен праг со црвен акцент и ti-етикета уметнички го нагласуваат спортскиот изглед а возилото.

18" M тркала од лесни легури Y-spoke style 553 M Bicolour Orbit Grey металик со перформативни пневматици, сјајно брусени, величина на тркала 8J x 18 со  225/40 R18 пневматици. 

Внатрешноста има изразен спортски и елегантен амбиент благодарение на специфичните дизајнерски карактеристики на 128ti. Тоа се должи на деталите какви што се M кожниот управувач со црвени констрастни штепови, ексклузивните спортски седишта со црвени детали, соодветните ексклузивни подни покривки со црвени рабови и извезено лого на средишниот потпирач за раката. 

Стандардно вграден во BMW серија 1 128ti, диференцијалот ја подобрува силата на влечење и стабилноста при управување со возилото, при забрзување и низ свиоци, при големи брзини во свиоци, но и при разни површини на патот, распоредувајќи ја погонската сила меѓу предните тркала соодветно на ситуацијата. Резултатот е самоуверена и динамична возна карактеристика.

Компактен атлетски мотор кој нуди комплетно задоволство при возењето: TwinPower Turbo 4-цилиндерскиот бензински мотор во BMW 128ti е моќен бидејќи е опремен со нови клипови, поголем турбо-полнач, оптимизиран насочен внес на воздух и издувен систем контролиран со клапна.

M Sport суспензијата го спуша возилото приближно за десет милиметри. Таа, исто така, има пократки и поцврсти пружини, поставки на амортизерите карактеристични за 128ti, како и потврди стабилизатори. Во комбинација, овие карактеристики резултираат со подиректен дизајн на суспензијата, кој овозможува изразено спортски стил на возење.

Управувањето со специфичните поставки за 128ti овозможува директен и агилен одговор при управувањето. Возилото може попрецизно да се насочува, нудејќи изразено атлетски карактеристики во управувањето, особено при патишта со повеќе свиоци.