НАЈНОВАТА BMW СЕРИЈА Z4.

Инспириран од неверојатниот успех на BMW Z1, минхенскот автопроизводител го лансира BMW Z3, roadster насочен кон поширок опсег на купувачи. Комбинацијата од лесна конструкција, дизајн на двосед со орворен покрив и типичното управување на BMW се покажува како добитна комбинација што опстанува до денес во неговиот наследник, BMW Z4.

Со исклучок на неколкуте илјади примероци од ограничената серија на BMW Z1, компанијата со децении не претставила мал двосед со отворен покрив и сите белези на BMW. А тогаш, во 1995 година, на сцената и улиците низ светот се појавува BMW Z3; мал, но моќен со прецизно управување и контрола на патот. Овој успешен концепт продава околу 297.000 примероци за седум години.

Оригинално опремен со 1,8 литарски или 1,9 литарски 4-цилиндричен мотор, од 1996 година BMW Z3 е достапен и со 6-цилиндричен мотор и развива 142 kW (193 кс) со 2,8 литри зафатнина на моторот. Следната година го носи BMW M Roadster со 3,2-литарски 6-цилиндричен мотор, кој е употребен воBMW M3 (E36), со излезна сила од 236 kW (321 кс).

Во 1998 година, BMW тргнува по нов пат и го претставува BMW Z3 како shooting brake, форма слична на купе. Екстравагантната форма му дава необичен изглед на возилото. Достапен е само со 6-цилиндричен мотор.

Со надградбата на моделот во 1999 година додадени се хромирани прстени на предните светла на roadster-от и редизајниран, подинамичен заден дел, кој е малку поткренат на задниот дел на браникот. Задните светла со L-форма го прават да изгледа поширок. Новите мотори даваат уште повеќе сила, како што е 2,2-литарскиот 4-цилиндричен мотор со 125 kW (170 кс). 2,8 литарскиот 6-цилиндричен мотор е заменет со 3,0-литарски, 170 kW (231 кс) мотор. А од 2001 година, BMW M Roadster го користи моторот на неодамна лансираниот BMW M3 (E46): тој создава 239 kW (325 кс) и го претвора лесниот двосед во возило со недостижна динамика и забрзување.

Период на производство: 1995–2002
Мотори: 1,8–3,2 литри (85–239 kW, 115–325 кс), 4- & 6-цилиндрични
Должина/ширина/висина: 4,025–4,050 mm/1,692–1,740 mm/1,266–1,306 mm

Заоблени линии, долга хауба, широк заден дел: и следната генерација на BMW Z4 знае да инспирира. И тоа не само затоа што ова возило е активно вклучено во мотоспортот и на купувачите им е достапна тркачка верзија на автомобилот.

Еволуцијата на BMW Z4 (E89) го заменува мекиот подвижен покрив со опционален тврд покрив и наместо тоа му дава на roadster-от алуминиумски покрив што се спушта. Кога е затворен, речиси не може да се забележи разлика во споредба со возило со обичен покрив. Оваа опција го заменува купето.

Првите возила од оваа генерација се придвижувани од 6-цилиндрични мотори, почнувајќи од sDrive23i со зафатнина од 2,5 литри и 150 kW (204 кс), до sDrive35i со 3,0-литарска зафарнина што развива 225 kW (306 кс) на горниот крај на опсегот. Достапен од 2010, sDrive35is исто така го користи овој мотор. По преработувањето, развива 250 kW (340 кс) што го прави најмоќниот мотор достапен до крајот на производството во 2016 година. Два 4-цилиндрични мотори со турбо полнење се достапни како дел од наградбата на моделот во 2011 година. Тие ги заменуваат малите 6-цилиндричен мотори. Во 2013 година се појавува еден малку помалку моќен, почетен мотор: 2,0-литарски 4-цилиндричен м отор со 115 kW (156 кс).

Безбедносната опрема далеку ги надминува нормите на тоа време. На пример, возилото е опремено со систем за помагање при сопирање и оптички дисплеј. Трепкањето на светлата за прикочување и светлата за предупредување на опасност што автоматски се активираат им сигнализираат на другите возачи на патот дека BMW Z4 силно прикочува.

Ваквите елементи се стандардни денес, но биле револуционерни во 2009 година. BMW Z4 вклучува и Контрола на возна динамика (Driving Dynamic Control) што дозволува приспособување на возните карактеристики на возилото. Овде спааат забрзувањето, реакцијата на моќното управување и менувањето брзини за моделите со автоматски преност.

Произведени се окочи 115.000 примероци од втората генерација на BMW Z4.

Период на производство: 2009–2016
Мотори: 2,0–3,0 литри (115–250 kW, 156–340 kc), 4- & 6-цилиндрични
Должина/ширина/висина: 4,239 mm/1,790 mm/1,291 mm

Иако сите Z модели ја следат традицијата на легендарните roadster-и како BMW 507, кога станува збор за карактеристиките на дизајнот, BMW Z8 како наследник е поблиску до луксузните автомобили од 1950-те години. Ексклузивниот двосед има слично заоблени браници со многу долга хауба и краток заден дел. Истото важи и за беспрекорните перформанси на овој елегантен и експресивен автомобил.

Во 1997 година, BMW Z07 концептниот автомобил е изложен на Автомобилскиот саем во Токио и веќе ги вклучува суштинските елементи на BMW Z8. BMW Z8 е создаден под водство на дизајнерот Хенрик Фискер и пристигнува во салоните во 2000 година. Со заоблените браници и широката, рамна бубрежна рамка автомобилот ги отсликува стилските елементи на BMW 507, но ги воведува во новиот милениум.

BMW Z8 може да се пофали со напреден технички дизајн што вклчува самопотпорна алуминиумска еамка (таканаречена spaceframe), на која се вградени деловите на каросеријата. Ова значително ја намалува тежината на автомобилот и драматично ја подобруца динамиката на возење. Централно место зазема 5,0-литарскиот 8-цилиндричен мотор од BMW M5 (E39S) што развива 294 kW (400 кс) и обезбедува константно забрзување за моќното возило. Во тоа време, тоа е најмоќниот мотор од BMW.

BMW Z8 е опремен со целата опрема како стандардна. Ова вклучува hands-free телефон, систем за навигација, клима уред, внатрешност од кожа и цврст покрив од фиберстакло со загреан заден прозорец. А на контролната табла има и копче за стартување – сосема неверојатен детаљ пред 20 години. Од 2000 до 2003 година, произведени се 5703 возила од луксузниот, убав и моќен roadster. Секој од нив рачно.

Период на производство: 2000–2003
Мотор: 5,0 литри (294 kW, 400 кс), 8-цилиндричен
Должина/ширина/висина: 4,400 mm/1,830 mm/1,310 mm